Дали услугите за монтажа на клима уреди и за нивна поправка и сервисирање потпаѓаат кон одредбите на член 32-а од ЗДДВ или треба да се фактурираат регуларно со 18% ДДВ?
Согласно член 32-а став 1 точка 1 од ЗДДВ, по исклучок од членот 32 точка 1 од ЗДДВ, даночен должник е даночниот обврзник регистриран за целите на ДДВ кон кого од страна на друг даночен обврзник регистриран за целите на ДДВ, се извршени промети на добра и услуги кои се поврзани со градење, вклучувајќи одржување, реконструкција и отстранување на градби или нивни делови, кога примател на прометот е инвеститорот, а вршителот на прометот е изведувачот на работите и во случај кога примател на прометот е изведувачот, а вршител на прометот е подизведувачот на работите, согласно со законот со кој се уредува градењето.
Во членот 2 став 1 од Одлуката, се наведени промети на добра и услуги кои се поврзани со градење, вклучувајќи одржување, реконструкција и отстранување на градби или нивни делови на кои се применува механизмот на пренесување на даночната обврска согласно член 32-а од ЗДДВ.
Владата во Одлуката за определување нa добрата и услугите за кои даночен должник е даночниот обврзник кон кого е извршен промет од страна нa друг даночен обврзник, поблиску ги определува добрата и услугите за кои даночен должник е даночниот обврзник кон кого е извршен промет од страна на друг даночен обврзник.
Во членот 2 став 1 од Одлуката, се наведени промети на добра и услуги кои се поврзани со градење, вклучувајќи одржување, реконструкција и отстранување на градби или нивни деловина кои се применува механизмот на пренесување на даночната обврска согласно член 32-а од ЗДДВ.
Согласно член 2 став 1 точка 12 од Одлуката, механизмот на пренесување на даночната обврска се применува на услугите за поставување на инсталации за водовод, канализација и плин и инсталации за греење и клима уреди и тоа:
а) поставување на инсталации во згради или други објекти на:
- систем за греење (електричен, на гас и на нафта),
- печки, разладни системи,
- неелектрични колектори за сончева енергија,
- водоводни и канализациони инсталации и санитарна опрема,
- опрема за вентилација, климатизација и цевки,
- инсталација за гас,
- цевки (цевовод) за пареа,
- противпожарни распрскувачи,
- системи за прскање на тревник и
- олуци.
Согласно напред наведеното наше разбирање е дека услугата монтажа на клима уредот потпаѓа под одредбите од член 32-а од ЗДДВ, додека услугата за поправка и сервисирање ќе се даночи со 18% ДДВ.
Дали прометот со пекарски производи и слатки, конзумирани во пекара или слаткарница (во објект) има третман на промет на добра кој би се даночел со даночна стапка како за производи или промет на услуги кој би се даночел со 10% како кетеринг и ресторанска услуга?
Согласно член 2 точка 1 од Законот за данокот на додадена вредност, предмет на оданочување со данокот на додадена вредност е прометот на добра и услуги кој се врши со надоместок во земјата од страна на даночниот обврзник во рамките на неговата стопанска дејност.
Промет на добра претставува преносот на правото на располагање со движен или недвижен материјален имот согласно членот 3 став 1 од ЗДДВ.
Промет на услуги претставува секоја дејност која не е промет на добра во смисла на член 3 од ЗДДВ (член 6 став 1 од ЗДДВ).
Согласно член 28 од ЗДДВ, данокот на додадена вредност се пресметува со примена на пропорционални даночни стапки врз даночна основа за оданочивиот промет на стоки и услуги и тоа:
- според општата даночна стапка од 18%,
- според повластена даночна стапка од 5% и од 10%.
Општата даночна стапка од 18% се применува врз целокупниот промет и увоз, освен врз прометот и увозот кој се оданочува со повластената даночната стапка.
Согласно член 30-а од ЗДДВ, повластената даночна стапка од 10% се применува на услуги на предавање на храна и на пијалаци за консумација на лице место и кетеринг услуги, со исклучок на алкохолни пијалаци (став 1) и повластена стапка од 10% се применува врз прометот и увозот на останатите производи за човечка исхрана кои не се основни производи за човечка исхрана согласно член 30-а од овој закон(став 2).
Владата во Одлуката за определување на добрата и услугите кои подлежат на повластена стапка на ДДВ поблиску ги определува добрата и услугите кои подлежат на повластена даночна стапка според член 30 став (1) точка 1 и член 30-а ставови (1) и (2) од ЗДДВ.
Согласно Одлуката, повластената стапка на данокот на додадена вредност во смисла на член 30-а од Законот се применува врз прометот на услуги на предавање на храна и на пијалаци за консумација на лице место и кетеринr услуги, со исклучок на алкохолни пијалаци. За ресторански и за кетеринr услуги се смета давањето на приготвена или неприrотвена храна за човечка исхрана и послужување на безалкохолни пијалаци, со исклучок на послужување на алкохолни пијалаци, придружени со дополнителни услуги со цел да се овозможи нивно непосредно конзумирање. Испораката на храна и послужување на безалкохолни пијалаци, со исклучок на послужување на алкохолни пијалаци претставува само една компонента од севкупната понуда, при што преовладува прометот на услуги. Ресторанска услуга е вршење на промет на такви услуги во просториите на давателот на услугата и простор кој е непосредно или посредно поврзан со просториите на давателот на услугата, а услуга за кетеринr е вршењето на промет на такви услуги надвор од просториите на давателот на услугата. Испорака на приготвена или неприrотвена храна и безалкохолни пијалаци, со или без превоз, но без други придружни услуги, не се смета за ресторанска или кетеринr услуга во смисла на овој став.
Согласно претходнонаведеното, сметаме дека доколку станува збор за послужување на храна согласно член 30-а став 1 од ЗДДВ, се применува повластената даночна стапка од 10%.
